• ×

05:13 مساءً , الأربعاء 13 ربيع الأول 1440 / 21 نوفمبر 2018

المرخان يرثي شهيد الوطن وفقيد الجوف العقيد السهيان

زيادة حجم الخط مسح إنقاص حجم الخط
الجوف الآن - عواد السبيله : 
لم يمنعه ظروف غربتة ومرض فلذة كبدة من مشاطرة منطقة الجوف بحزن فقد أحد أبطالها الذي استشهد في اليمن، الشاعر عبدالرحمن المرخان رثا الشهيد العقيد عبدالله السهيان والذي وصل جثمانة عصر اليوم الثلاثاء منطقة الجوف بالأبيات التالية :

ياموطني دونك رجالٍ مغاوير ....... ومن مات منهم جاك واحد بداله
قل للملك سلمان شعبك على خير ....... ومايذل والد دون ملكه عياله
والجوف كم فيها رجال ومشاهير ....... والدم يشهد مع رجال الشكاله
شال المهمه ما رماها على الغير ....... ياحي ذاك الوجه وحي البساله
عمامه اللي نافلين الطوابير ....... وعلى الشرف والعز طالع لخاله
الحور فزّن له سرور وتباشير ....... وصفّن على يمناه وصفّن شماله
وطافن عليه من الفرح بالمباخير ....... كنه نهار الكون صاحب جلاله
سوق الشرف ماهو بسوق الهوامير ....... فيه الربح مضمون في كل حاله
مايدخله ياكود عوج المناقير ....... ترقا الخطر يوم الردي مارقاله
العمر يفنى والحوادث مقادير ....... وموت الفتى بالحرب عز وجماله
مامات لينه طهر الحد تطهير ....... واسقى العدو كاس القهر للثماله
وقل للعدو اللي تشمت بتحقير ....... ماهمنا البواق.... وراع العماله
صبو لابوه البن ياهل المظاهير ....... وعده عن اللي حيلته بالبياله
وعطر شنب من جابه اليوم تعطير ....... وقبل جبينه لي ... وعزو عياله
ماهزتك ياطويق صلف العواصير ....... يرسي كما ترسي شوامخ جباله
يوم الجبان ابعد عن الشر والخير ....... لو مر به نسناس طيّح عقاله
وقولو لملكنا ماعلينا مخاسير ....... الجوف اهلها كل ابوهم رجاله
مادوروا يوم الملاقاء معاذير ....... العذر دون الدار عيب وفشاله
هذا وانا في غربتي قاصر السير ....... وقلبي على دار السعد حي فاله
وصلاة ربي عد وبل الشخاتير ....... على النبي خاتم كلام الرساله



يوم الجبان ابعد عن الشر والخير ....... لو مر به نسناس طيّح عقاله

image
بواسطة : الجوف الان
 0  0  3.3K
التعليقات ( 0 )

جميع الأوقات بتوقيت جرينتش +4 ساعات. الوقت الآن هو 05:13 مساءً الأربعاء 13 ربيع الأول 1440 / 21 نوفمبر 2018.